Hal- abuurka Midnimada Tubta Isku- xirnaanta Bulshada Soomaaliyeed

 Hal- abuurka Midnimada Tubta Isku- xirnaanta Bulshada Soomaaliyeed

Midnimadu waa tiir muhiim ah oo ay ku tiirsan tahay jiritaanka bulsho walba, gaar ahaan bulshada Soomaaliyeed oo leh dhaqan, taariikh, iyo af mideysan. Si kastaba ha ahaatee, hal- abuurka midnimada waa medial u baahan in la kobciyo oo la xoojiyo si looga gudbo caqabadaha kala duwan ee bulshada haysta. Hal- abuurkani wuxuu ku salaysan yahay fikir iyo tallaabooyin dhaxalgal ah oo dib u mideynaya bulshooyinka kala firdhisan, si ay mustaqbalka ugu noolaadaan nabad iyo horumar joogto ah.

Maxay Tahay Midnimadu?

Midnimadu waa aragti ku dhisan wadajir iyo isku xirnaan bulsho, iyadoo lagu gaadhayo yoolal wadajir ah. Waxay ka bilaabantaa heerka qoyska, bulshada, iyo guud ahaan qaranimada. Midnimo dhab ah waa tan ku qotonta kalsooni, wada shaqeyn, iyo fahamka waxyaabaha bulshadu wadaagto, sida afka, dhaqanka, diinta, iyo taariikhda. Dalka Soomaaliya, midnimadu waxay leedahay taariikh dheer oo ku saabsan sidii bulshada Soomaaliyeed ay ugu dhaqaaqday halgan mideysan, sida xorriyad doonkii lixdankii, oo horseeday dhismaha Jamhuuriyadda Soomaaliya. Taasi waxay ahayd guul ka dhalatay hal- abuurka iyo wadajirka bulshada oo meel uga soo wada jeestay cadowga iyo gumeysiga.

Doorka Hal- abuurka ee Xoojinta Midnimada

Hal- abuurka midnimada wuxuu ku xiran yahay awoodda dadka si ay u curiyaan fikrado cusub oo xoojinaya isku- xirnaanta bulshada. Hal- abuurkani wuxuu noqon karaa medial ku saleysan suugaan, hiddaha iyo dhaqanka, siyaasadda, waxbarashada, iyo teknolojiyadda. Tusaale ahaan Suugaanta Midnimada Gabayo iyo maansooyin taabanaya wadajirka iyo wada noolaanshaha, kuwaas oo bulshada ku boorinaya inay isku soo dhawaadaan. Tusaale waxaa ah gabayada Nageeye Cali Khaliif ee" Gurmadkii Midnimada" iyo Maxamed Xaashi Dhamac ‘ Gaarriye’, oo suugaantooda ku cabbiray muhiimadda midnimada.

Dhaqanka iyo Hiddaha Hiddo- dhaqameedka Soomaaliyeed wuxuu leeyahay astaamo midnimo, sida shirarka guurtida, wadaagga cunnada dhaqameed, iyo ciyaaraha hidaha. Ku celcelinta dhaqamadaasi waxay xoojin kartaa dareenka bulshada ee wadajirka. Waxbarashada iyo Teknolojiyadda Waxbarashada waa furaha hal- abuur kasta, waxaana muhiim ah in waxbarasho tayo leh lagu mideeyo bulshooyinka. Teknolojiyadda casriga ah, sida baraha bulshada iyo aaladaha isgaarsiinta, ayaa sidoo kale noqon kara kuwo hal- abuur cusub u horseeda bulshada.

Caqabadaha Ku Gedaaman Midnimada

Inkastoo midnimadu tahay arrin muhiim ah, caqabado ayaa hortaagan. Qaybaha ugu waaweyn waxaa ka medial ah Qabyaaladda iyo Kala Qaybsanaanta Dhaqanka qabyaaladda ayaa ah caqabad weyn oo kala fogeyn karta bulshada. Sicir- bararka Siyaasadeed Khilaafaadka siyaasadeed iyo dano gaar ah ayaa sidoo kale dib u dhigaya midnimada. Kala Fogaanshaha Bulshooyinka Qurbaha iyo Gudaha Kala fogaanshuhu wuxuu sababi karaa faham la’aan iyo xiriir la’aan u dhexeysa bulshada gudaha iyo kuwa dibedda.

Xalka iyo Talo- soojeedinta
Si latrine hirgeliyo hal- abuurka midnimada, waa in la sameeyo

Horumarinta Waxbarashada Midnimada Waxbarashada waa in lagu saleeyo aragtiyo mideynaya bulshada, iyadoo carruurta lagu barayo taariikhda, dhaqanka, iyo suugaanta midnimada. Suugaanta iyo Madadaalada Mideysan Wax- soo- saarka suugaanta, filimada, iyo musalsallada ku saabsan wadajirka ayaa dhiirigelin kara isku xirka bulshada Doorashada Hogaamiyeyaal Aragtida Midnimada Leh Hoggaamiyayaal xambaarsan aragti mideysan waa furaha guusha hal- abuurkan. Isticmaalka Teknolojiyadda Teknolojiyadda waa inay noqotaa aalad lagu xoojiyo wada hadalka bulshada iyo isku xirka bulshada kala fog.

Gunaanad

Hal- abuurka midnimadu waa tiir lagama maarmaan ah oo bulshada Soomaaliyeed u horseedi kara horumar waara. Marka bulshada lagu dhiirrigeliyo wadajir iyo isku- xirnaan, waxay awood u yeelan karaan inay ka gudbaan caqabadaha kala duwan ee hortaagan. Iyadoo la adeegsanayo hal- abuur, suugaan, waxbarasho, iyo teknoolojiyad, Soomaalidu waxay mar kale noqon kartaa bulsho ku wada nool wadajir, nabad, iyo horumar joogto ah.

Midnimadu waa mawjadda ifaysa ee soo celin karta rajada bulshada Soomaaliyeed. Waxaa waajib ku ah jiilka maanta inuu guntado oo kobciyo dareenkaas, si jiilalka dambe ay ugu noolaadaan bulsho is jecel, is qadariya, oo mideysan.